Drápa

Eftir 105 daga í mæjónesi, snakki, frönskum kartöflum, djúpsteiktum mat, te-i, ofsöltuðum mat, bökuðum baunum, öðrum baunum, hamborgurum með lauk, pulsum og öðrum gæða hráefni þá er ég loksins orðinn saddur. Eftir 105 daga í landi teknó tónlistar, Timberland- og tattoo-a tísku þá er kominn tími til að kveðja tjallana og halda heim á leið. Flugmiðinn er allavega dagsettur a morgun.

Hins vegar hafði ég helvíti gaman af þessu öllu saman búandi með meisturunum í Hazelmere Gardens. Skemmtilegar týpur það verður ekki meira sagt. Þau eru nú þegar búinn að bjóða mér æfilanga gistingu og get ég komið hingað þegar mér listir og þá er ég sértaklega velkominn þegar ég er kominn með börn. Þetta sagði Karen mér allavega í gær, hehe. Sidan baud fraendi teirra mer pening ef ad eg myndi lata ryan fara til islands i stadinn fyrir mig, en eg aftakkadi gott bod.

Reyndar er ekki alveg eins að búa hér og í Daltúninu. Hér var borðað heima stundvíslega klukkan hálf sex og matarfjölbreytnin var enginn. Sömu tíu réttirnir rúlluðu hring eftir hring og fóru þau aldrei út að borða. Var vaktur á hverjum morgni með te bolla af húsfreyjunni. Fyrir mér var heimilið dýragarður og er ég næstum orðinn jafn mikill dýravinur og Steve Irwin heitinn. Tveir hundar, talandi fugl, fiskar bæði inni og úti er ekki slæmt. Hér er mynd af því hversu vel ég og Lola náðum saman.

Fékk nú reyndar ekki að spila jafn mikinn fótbolta og ég ætlaði mér en var í staðinn einstaklega duglegur að fara á fótboltaleiki og kíkti á þá nokkra. Kostaði sitt en ég sé nú ekkert eftir því, nema kannski City leikjunum. Komst að því að Manchester City er leiðinlegasta lið heimsins og Manchester United það skemmtilegasta. Reyndar vissi það áður en ég fór en hef fengið staðfestingu á því núna. Leikirnir sem ég kíkti á;

1. 2-1 Manchester United – Portsmouth  – Rooney Rooney Rooney
2. 0-0 Bolton – Manchester City – the referee is a wanker the referee is a wanker
3. 1-1 Bolton – Charlton – sit and shut up - sit and shut up - sit and shut up
4. 1-1 Manchester United – Reading – there’s only one Brynjar Gunnars
5. 0-0 Wigan – Fulham – come on Wigan - come on Wigan
6. 2-0 Manchester United – Charlton – Mourinho are you listening you better keep our trophy glistening we are 6 point ahead you Portuguese cunt walking into Fergie wonderland
7. 0-1 England – Spánn - come on England - come on England
8. 3-0 Blackburn – Portsmouth – England football - England England football
9. 1-0 Manchester United – Lille – u-n-i t-e-d United are the team for me
10. 0-3 Leigh RMI – Burrows – who are we?  red army! - who are we? red army!
11. 6-3 Manchester United – Europe XI – he plays on the left he plays on the right there’s only one Ronaldo and he makes you look shiit
12. 4-1 Manchester United – Blackburn – who the fuck are Man United - who the fuck are Man United
13. 0-0 Manchester City – Liverpool – fuck off city - fuck off city
14. 3-3 Wigan – Tottenham – Pascal is a wanker - Pascal is a wanker
15. 2-0 Manchester United – Sheffield United - going down going down going down

Hvað varðar vídjóin af siggu og villa þá er ég búinn að senda þeim þau svo að þau geti hafið dreifingu á þeim. Þannig að það er bara að senda þeim póst. Hér er allavega mynd úr myndbandinu góða. Ef þau fara ekki í dreifingu sé ég fram á að vera með þau tvö í rassvasanum næstu árinn.

Þar sem ég er að fara heim þá er þetta loka blogg þessara síðu, vúhú. Hvað er geri í sumar má Guð vita, hvað ég geri næsta haust það má hann einnig vita. Allavega hef ég ekki sigmund né guðmund um það sjálfur. Spurning Sigga, hvort þú spyrð ekki Benna fyrir mig að þessu ég held nefnilega að hann sé með númerið hjá honum.

Heim í skyrið og íslenska vatnið......

kv. Þórhallur

Bexý Bags

Þessi bloggfærsla verður skírð í höfuð af manneskju mánaðarins Berglindi a.k.a Bexý Bags. Varð fyrir þeim hlunnindum að hitta þessa gyðju með berum augum á Spáni og kemur hún til með að eiga sess í líkama mínum að minnsta kosti út vikuna.

Annars var Spánarferðin fín eins og búast má við þegar maður kíkir til heitu landanna. Hins vegar var Spánn ekki að standa sig þar sem það rigndi nánast allan tímann. Sól í tvo daga af sjö er náttúrulega ekki Spáni sæmandi. Þannig að þið getið ímyndað ykkur hversu miklum tíma var eytt í verslanir þegar maður er í fjölskyldu sem inniheldur þrjár verslunarsjúka einstaklinga. Íbúðin var mjög fín og garðurinn jafnvel betri þannig að það verður eflaust stutt í að maður fari aftur.

Reyndar þurfti ég að spyrja mig með stórum stöfum hvað í andsk... ég var að gera þarna þegar United spilaði einhverjar skemmtilegustu 90 mínútur í sögu meistaradeildarinn akkúrat meðan ég var úti. 7-1 á móti Róma og ættu íslenskir rómverjar (sigga!) að skammast sín fyrir þessa framkomu, hehe.

siggi i rigningunni godu

Þó það hafi verið fínt að hitta fjölskylduna þá olli Vilhjálmur mér vonbrigðum þar sem hann er nánast orðin höfði hærri en ég. Skýjakljúfrið sem var valinn “customer of the month” í Grænatúni í mars var hress og skemmtum við okkur konunglega zusammen. Villi a.k.a Pretty-boy sem fékk jafn mikið áhorf og skjávarpinn á barnum þegar United-Roma leikurinn var af breskum eðalmeyjum þarf reyndar að taka sig á í Go-kartinu þar sem hann var hringaður nokkrum sinnum af mér.

Ætla það sé ekki stefnan á að koma heim í næstu viku. Annars er ekkert að frétta fyrir utan það að ég er búinn að bæta á mig of mörgum kílóum frá því ég kom hingað út. Kominn líka með þessa myndarlegu bumbu þannig að þegar maður kemur á klakann þarf maður líklega að byrja á því að skera af henni, hehe.

Hef þetta ekki lengra þar sem mér skilst að of langar færslur séu fráhrindandi og skelli því í staðinn nokkrum steikhúsamyndum úr ferðinni.

el familio

en saett

klassiskt

afahopp - konan er allavega ad fyla tad

skola pung !!

ekkert sma steikt fjolskylda ....

Annars er ég með nokkur myndbönd af tveimur sýruhausum. Vilhjálmi og Siggu í einhverjum dansi/gjörningi. Þannig að ef þið viljið fá það á netið þá getið þið bara beðið um það í athugasemdum. Ég veit allavega að ég verð strokaður af jólakortalista Siggu næstu 15 árin ef þetta rambar á netið, hehe.

set kannski fleiri myndir inn seinna ef eg nenni, efast samt storlega um tad, hehe......

kv.

Þórhallur formaður “Bexý Bags Fan Club”

Smá pása frá tjöllunum

Þar sem afmælismánuður predikarans er liðinn og mánuður páska er genginn í garð, þá kemur blogg.

Tók þá sjálfmorðsákvörðum í seinustu viku að fara í ljósatíma. Hef ekki verið þekktur fyrir að heimsækja þennan horbjóð og er hægt að telja heimsóknir mínar þangað frá fæðingu á fingrum hægri handar, en þar sem ég fer til Spánar á morgun þá þótti mansheilanum mínum jafnvel sniðugt að taka eina fyrirfram æfingu eða svo. Ljósatíminn tók ekki nema átta mínútur og hafði ég ekki trú á að það gæti nú skaðað mig mjög. Nei nei, annað kom nú á daginn, lýt út eins og Stephen Henchoz þegar hann er búinn að taka 20 mínútna upphitun. Kæmi mér ekki á óvart að Hagkaup myndi hringja í mig á næstu dögum og bjóða mér starf í sumar sem Tommi Tómatur.

Halló krakkar ég heiti Tommi Tómatur...... (klassík)

Úr ruglinu í námið. Skólinn búinn, shibbý. Prófin voru á fimmtudag og föstudag. Reyndar hafði ég nú bara nokkuð gaman af skólanum og þessum prófum. Ef það er ekki stimpill á það að maður sé orðinn þroskaður einstaklingur, þegar maður er farinn að hafa gaman af skólanum, þá veit ég ekki hvað.

Átti að vera leikur á föstudaginn en vegna regndropa sem datt einhvers staðar niður á Englandi á fimmtudeginum þá var honum að sjálfsögðu aflýst.

Á laugardaginn fór ég Manchester United – Blackburn leikinn. Ætlaði að fara sjálfur og reyna að versla miða á svörtu. Hins vegar kom gamla konan sem býr við hliðin á og spurði mig hvort að ég vildi kom með sér á leikinn. Fokkin snillingur ! hún bauð mér á leikinn því að hún átti miða og sonur hennar komst ekki þar sem hann var að vinna. Reyndar truflaði það mig pínulítið þegar við vorum kominn og búinn að leggja í fatlaðra stæðið okkar, þá spurði hún mig hvort ég vildi vera með henni eða einn, því að hún ætlaði að fara fá sér bjór á pöbbnum fyrir leikinn. Full og fötluð gömul kona er eitthvað sem ég hef ekki verið að dreyma um að vera með í bíl. Sem betur fer skilaðu hún mér heilum til baka, hehe. Annars var þessi leikur eflaust einn af betri leikjum á tímabilinu. Við erum að tala um 1-0 fyrir Blackburn í hálfleik en leikurinn endaði 4-1. Til að setja skemmtanagildið í samhengi þá var þetta eins og að horfa á systir sína landa gullverðlaunum í 400 metra flugsundi á ólympíuleikunum í Beijing 2008 eftir að hún hafi afnumið 5 ára keppnisbanni vegna steranotkunar árið 2002.

Veðrið hérna er orðið algjör klassi og sólin lætur sig sko alls ekki vanta í amstri dagsins. Síðan er leikur á eftir, útileikur á móti hinum frægu Morecambe mönnum. Skilst að þeir séu efstir í deildinni þannig að þetta verður vonandi alvöru leikur.

Af Hazelmere fjölskyldunni minni þá er allt það besta að frétta. Þau voru að kaupa plasma sjónvarp því að hitt 42 tommu var orðið tveggja ára. Þau kaupa víst alltaf nýtt á tveggja  ára fresti því að þá rennur ábyrgðin út. Konan var að kaupa fleiri apamyndir til að hengja upp í eldhúsinu. Hún er nefnilega með eitthvað fetish fyrir órangútum.

Svo er það Espania á morgun. Verð að játa það að ég er nokkuð spenntur fyrir ferðinni. Komast jafnvel í mat sem inniheldur ekki baunir. Flýg frá Liverpool, þannig að maður þarf líklegast að taka lestina í fyrramálið þangað til að mæta tímalega í flugið.

blobbfaersla

frettir

Á föstudaginn fór ég með meðLimunum á heimilinu á barinn. Það var nefnilega pílukastsæfing hjá Johnny, svo að ég og Ryan fórum með honum. Spiluðum pool og horfðum á pílukastshetjurnar sýna listir sýnar. Eftir pílukastæfingin var búinn og vinir hans Johnny orðnir mjög fullir voru þeir að spyrja mig hægri vinstri um Ísland. Ég bullaði og bullaði í þeim og sagði þeim að ég þyrfti á hverju kvöldi að fara út og veiða mér fisk með berum höndum í matinn. Blessaður vertu, þeir gleyptu við þessu öllu og hlustuðu eins og 6 ára börn sem væru á Latarbæjarleikritinu.

 

Fór á stórleik Wigan - Fulham á laugardaginn. Þessi leikur fær ekki viðurnefnið leikur leikjanna en það voru samt atvik í leiknum sem fékk mann til að brosa. 0-0 jafntefli staðreynd og færri en fimm marktilraunir í leiknum. Reyndar gaf mér þetta jafntefli 3000 kall þar sem ég tippaði fyrir leikinn.

Um kvöldið fór ég með Ryan í afmæli hjá Lee sem hefur farið með okkur í bíó nokkrum sinnum meðan ég hef verið hérna. Byrjuðum á því að fara í keilu í Wigan, en fjölskyldan hans var þar saman kominn til að fagna hans 32 aldurs ári. Því miður þá gæti þessi klingona fjölskylda stofnað félag hreyfihamlaðra einstaklinga á staðnum því mikið djöfull voru þau léleg í keilu.  Þegar einn einstaklingur rífur 50 stiga múrinn í heilum leik þá er eitthvað að hrjá mannskapinn. Tókum þrjá leiki og verð ég að játa að þetta var orðið ansi þreytt seinust tvo leikina. Fórum heim til afmælisbarnsins eftir að ég hafi sigrað tvo af þessum þremur leikjum, þurfti að játa mig sigraðan í seinasta leiknum vegna þreytu og vegna þess að við notuðum hjálparveggina svo að kúlan gat ekki farið í rennuna. Heimili þessa gaurs er eflaust draumaheimili piparsveinsins ef einhver dreymir um þannig vafasama titil einhvern tímann. Hús á tveimur hæðum, efri hæðin skipuð af klósetti, tölvuherbergi og svefnherbergi. Vangefið stórt plasma sjónvarp í svefnherberginu, xbox og bókahillur fullar af dvd myndum. Reyndar voru þetta allt StarTrek myndir en þá má nú alveg býtta þeim. Eiginlega var allt húsið yfirfullt af StarTrek dóti, enda er hann búinn að bjóða mér á einhverja klingona sýningu í lok mánaðarins í Birmingham, efast stórlega að ég fari. Niðri var svo leikherbergi með pool-borði, píluspjaldi og bar. Svo eldhús og annað herbergi sem innihélt lyftingartæki. Ekki skemmir fyrir að þetta var íbúin við hliðin á mömmu hans og pabba. Við spiluðum semsagt pool og drukkum brugg af barnum þarna fram á rauða nótt. Reyndar var kareokí tæki þarna hjá honum og þegar þau byrjuðu að syngja YMCA í nítjánda skiptið þá var það orðið frekar böggandi.

Í gær sunnudag var mesta rigning í heiminum hérna og það var ekkert farið út. Ef maður ætlaði út þá var það kútaskylda og viðunandi árangur í skólasundi nauðsynlegur. Glápti því bara á sjónvarpið (arsenalmenn þetta kemur) og endurvakti Football Manager eftir langt langt hlé.

Myndir;

manutd-lille

manutd-europeXI

konguloin sem byr fyrir ofan rumid mitt, hehe.


Annad myndband af bylgjunni fraegu sem var ostodvandi a united - europe leiknum.
http://www.youtube.com/watch?v=ey9taqzOpIg




Annars bið ég að heilsa þeim sem þurfa á heilsun að halda. Þó sérstaklega bið ég að heilsa nafna mínum og bið þeim að skila því til hans þeir sem það geta.

Hvað er að frétta úr landi hunda og e-pillu tónlistar ?

mistok ferdarinnar

kellogs special

20 ara

blogglengja

Tími á risablogg fyrir mömmu sem er ekki ánægð með blogg fríið sem ég gaf mér. Ég er nefnilega búinn að átta mig á því af hverju bloggsíður lifa sjaldnast lengi. Annars þá komu Gauji og Siggi í heimsókn um helgina.

grinkallar ad fokka old trafford - teir kunna ad bua til grin tessir....


siggi sofandi i stellingu helgarinnar


Þannig að helgin var í skemmtilegri kantinum. Fór og náði í þá á lestarstöðina á fimmtudeginum og gistum á þessu skemmtilega hóteli rétt hjá Old Trafford. Það þurfti samt góða göngu fyrir okkur til að finna þetta. Reyndar voru við hrikalega duglegir að ganga þessa helgina, bæði þarfar og virkilega óþarfar göngur. Á föstudeginum fórum við í verslanaleiðangur. Heimsmet í að kaupa lítið var sett þarna; Gauji keypti skó og Siggi nærbuxur, that´s it. Mér skilst samt að þegar Gauji opnaði skókassann þegar hann kom heim voru þetta sitthvor tegundin af skóm. Ef þetta er ekki eitthvað týpískt að henda Gauja þá veit ég ekki hvað.

Borðuðum á Pizza Hut en Reese Witherspoon var að vinna alla helgina þar við að þrífa af borðunum, allavega var þessi hrikalega lík henni. Fórum á skemmtistaði bæjarins um kvöldið sem var fínt. Gauji varð fyrir aðsúgi kvenfólks sem hafði gríðaráhuga á Elvis toppnum á meðan þá kenndi í svörtu konunum á staðnum hvernig átti að dilla rassinum.

Á laugardeginum fórum við tilgangsmikla ferð til Liverpool. Ætluðum að reyna að fá miða á Liverpool – Sheffield United en fengum enga miða þar sem völlurinn tekur bara svipað marga og Herjólfur. Horfðum á leikinn á Pub fyrir utan völlinn. Fórum svo til baka með lestinni með hangandi haus.

Skelltum okkur á skemmtistaðina aftur um kvöldið en sú ferð gekk ekki alveg jafn vel og kvöldið áður. Voru dyraverðirnir ansi strangir á dresscodinu og þurfti ekki neitt minni en Armani föt til að komast inn. Enduðum á barnum á hard rock sátum í góðan tíma. Gauji beilaði samkvæmið stuttu seinna en ég og Siggi komumst loks inná einhvern skemmtistað þarna. Það var gæslapartý í gangi þangið að ég og Siggi tjúttuðum með mömmunum fram á rauða nótt. Þegar var búið að loka stöðunum hittum ég og Siggi fullt af skemmtilegu fólki. Við sungum hástöfum Johnny Cash með einhverjum blindfullum gaur sem söng “shot a men in reeno just to watch him die” svona milljón sinnum. Enduðum á strætóstöðinni spjallandi við einhverjar stelpur sem voru feitar og ljótar eins og er í tísku hérna í borginni. Þegar við komum heim fórum við í spilakassana á hótelinu um sex leytið við litla hrifningu varðarins á staðnum. Satt best að segja vorum við ekkert bestu gestir sem hótelið hefur fengið. Fengum einhvað bréf sem sagði að það væri ekki nógu snyrtilegt í herberginu. Reyndar líka þar sem þau héldu að við höfðum stolið plöntu af barnum, en Siggi fékk hana bara lánaða meðan við vorum á hótelinu til að skreyta herbergið okkar betur.


Samviskusami Guðjón tók því sérstaklega vel til á sunnudeginum og Siggi skilaði plöntunni góðu. Á sunnudeginum fórum til Blackburn á Blackburn – Porsthmouth.



Leikurinn var gríðargóð skemmtun og var David James maður leiksins fyrir að vera mesti kjáni í heimi.....England Football England England Football (gauji og siggi skilja þetta). Tókum leigubíl á lestarstöðina eftir leikinn, bulluðum í Indverjanum sem keyrði að það væri mínus 20 gráður á Íslandi o.s.frv. og að sjálfsögðu gleypti hann við þessu öllu. Fórum og barinn á Hótelinu og horfðum á Barcelona leikinn og þar hittum við mann dagsins, David. David eða Dahi eins og hann heitir réttu nafni. David er PartyManager með sitt eigið fyrirtæki og á kærustu frá Singapúr. Sátum við spjallandi við hann til tvö um nóttina. Hann sá um að strauja kortið á barnum fyrir okkur alla og vorum við farnir að drekka viskí og ég veit ekki hvað og hvað. Bulluðum endalaust í honum og hann í okkur enda sátum við á spjalli einir á barnum í rúma fimm tíma. Strákarnir fóru svo heim um nóttina og tók Gauji að sjálfsögðu lykilinn á herberginu með sér heim og var konan ekki hress þegar ég var að tjékka út af hótelinu með engan lykil og kvörtunarbréfið í vasanum. Fór svo heim til Wigan og svaf það sem eftir var af deginum. Á þriðjudeginum fór ég svo í skólann, var í með öðrum bekk þar sem kennarinn sem átti að kenna mér var veikur. Bekkurinn var í skrautlegri kantinum. Við erum að tala um Bin Laden look-a-like og svertingja konu sem talaði eins og Gunnar Birgisson. Hún sá um að skemmt mér allan daginn, þegar hún opnaði munninn þá þurfti ég að spenna alla mögulega vöðva til að kasta ekki upp úr hlátri. Bara ef ég væri alltaf með henni í tímum. Í matarhléinu settist ég með mömmu minni í skólanum sem er ein 45 ára frá Algeríu. Hún er snillingur sem passar mig eins og ég sé litla barnið hennar. Svo var vinkona hennar með okkur. Þessi vinkona hennar var að missa pabba sinn í seinustu viku og það er einhver siður í hennar landi að ef maður missir fjölskyldumeðlim að þá á maður að gefa vinum sínum gjafir. Sem betur fer var vinkona mín frá Algeriu búinn að segja mér þetta og sagði hún að ég yrði að taka við öllu sem hún byði mér. Endaði þetta matarhlé með einhverja þrjá kexpakka í vasanum sem þessi kona gaf mér. Við erum að tala um að ég var að sjá hana í fyrsta skiptið þarna. Gaman af því, ekki samt að hún hafi verið að missa pabba sinn. Í dag var venjulegur skóladagur sem var fínt.

Enda þetta blogg áður en það verður lengra en Passíusálmarnir með því setja inn þessa mynd sem er búinn að vera mikið í fréttum hérna. Her er hun.

Það er nefnilega unglingur skotinn á vikufresti hérna núna og eru Bretar að átta sig á því að öll unglinga gengi eru með skotvopn á sér. Kannski það skemmtilega við þessa mynd að hún er tekinn þar sem stefnan er fara hjá fjölskyldunni um helgina. Systur konunnar sem ég bý hjá býr þarna í þessu hverfi og við erum að fara þangað á laugardaginn. Ekki að ástæðulausu, konurnar eru að fara á Robbie Williams tribute tónleika eða sýningu eða einhvað.  Á meðan þá eru karlarnir með pílukastmót í skúrnum í garðinum skilst mér. Jább ekki leiðinleg eyðsla á laugardeginum það. Á sunnudaginn verður svo Þórhallur vinur minn 20 ára.