Þar sem Englendingar er farnir að átta sig á því að það að ráða Steve McLaren sem landsliðsþjálfara er eins og að ráða strætóbílstjóra sem tannlækni, þá kemur blogg. Fyrirsögnin í blaðinu í gær var að hann væri rangur maður í röngu starfi sem gæti ekki einu sinni skipulagt orgy-u í vændishúsi.

Það var fótboltaæfing á fimmtudaginn. Einhver gaur úr liðinu sá Tal Ben Haim á veitingastað um daginn. Allir jakkafataklæddir sem voru með honum og hann var í þessum huggulega klæðnaði. Síðan var hann víst í gapandi lituðum gervigrasskóm sem var engan veginn að gera sig. Ben Haim er víst þekktur hérna fyrir að vera mega ansalegur gaur með núll smekk fyrir öllu.

Fór á föstudaginn með Victori út að hlaupa. Þessi gaur er eflaust P.Hreinsson þeirra Wiganbúa því hann er í sóðalegu formi. Hlupum upp einhverjar brekkur og hélt ég að hann myndi ganga frá mér. Það var reyndar geðveikt fyndið því hann var alltaf að hvetja mig og gefa mér ráð eins og hann væri einkaþjálfarinn minn, hehe. Hann sýndi mér síðan hvar Kevin Nolan og boxarinn Kahn búa og þetta eru ágætis hallir og já þeir eiga líka nokkra fína bíla. Victor er meindýraeyðir og þriggja barna faðir, hehe. Það er reyndar bara eðlilegt hérna að eiga a.m.k tvo börn fyrir tvítugt. Yngsta móðurinn í Englandi núna er 12 ára, hversu bilað er það ?

Spilaði á laugardaginn fótboltaleik með ræsisrottunum í bænum. Það var fínt að rifja upp boltann eftir of langt hlé. Töpuðum eftir framlengingu en við vorum búnir að missa nokkra af velli með rautt í rassvasanum. Þetta er nefnilega allt saman blóðheitir rugby leikmenn sem elska smá samstuð, hehe. Til að mynda var einn rekinn útaf af því að hann ætlaði að smassa hausinn á einhverjum í hinu liðinu (eins og hann orðaði það sjálfur), það tókst samt ekki hjá honum. Það voru nokkrir áhorfendur á vellinum, aðallega mömmur og pabbar, blindfullir klukkan 2 á laugardegi “horfandi” á syni/vini sína. Hversu klikkað lið ?

Annars er Wigan helsti rugby bær Englands og allir kallarnir hérna eru útúr steraðir og finnast fátt skemmtilegra að vera blindfullir og komast í slagsmál. Kynntist því aðeins á laugardeginum þegar ég kíkti í bæinn með Victori. Fórum fyrst í einhvað partý í Hindley og fórum svo niður í bæ. Kvöldið endaði með Victori uppi á slysó. Hittum í sárabót fullt af einstaklega hressu og skrítnu fólki þar. Til að mynda gaur sem sagðist vera axlar- og handleggsbrotinn þegar hann kom, hann gat gjörsamlega ekki hreyft legg né lið, en eftir að hann var skoðaður var ekkert að honum. Fór út sveiflandi báðum höndum, hehe þvílíkur kjáni. Svo var það bara Kebab og farið í rúmið einum klukkutíma fátækari.